FOTO ÜÇÜN MAKİYAJIN QAYDALARI.

Hamı şəkillərdə gözəl görünmək istəyir, lakin həmişə istədiyimiz olmur. Çünki çox vaxt şəkli professional  şəkilçəkən  deyil, adi adam çəkir. Belə olan təqdirdə isə üzdə olan və  adi gözlə görünməyən çatışmamazlıqlar fotoaparatın işığı və obyektivi  sayəsində böyüyüb şəkildə aydın görünür. Təbii ki, bu zaman  fotoqrafa hirslənirik ki, şəkli yaxşı çəkməyib, lakin bir anlıq düşünün bəlkə günah sizdədir? Şəkil çəkdirməzdən əvvəl düzgün makiyaj etmək lazımdır. Fotoaparat makiyajın yarısını “yeyir”. Yəni  üzdə natural makiyaj  varsa şəkildə makiyajsız görünəcəksiniz. Əgər gündəlik makiyaj çəkmisinizsə şəkildə natural makiyaj kimi görünəcək.Ona görə də şəkil üçün  makiyajın  müəyyən qaydaları  var:

• İlk öncə üzü və boyunu tonik, losyonla silin. Dəri təmiz və dincəlmiş olmalıdır.
• Əgər üzünüzdə ləkələr varsa konsilerdən istifadə edin. Ləkənin üzərinə konsilerdən barmağın ücünda  azca qoyun və bir-naçə saniyə gözləyin. Sonra ətrafına  yayın.
• Əgər dərinizin rəngindən adi vaxtda razı deyilsinizsə demək şəkildə daha çox narazı olacaqsız. Ona görə tonal kremdən istifadə edin. Fotoaparatın işığı dərini çəhrayı göstərdiyi üçün tonal kremi sarı rəngin çalarlarında  vurun.
• T- zonaya azça açıq rəngdə pudra vurun. Gözaltına isə tonal krem və lap az pudra bəs edər. Sonda bütün üzünüzə kistlə azca tünd rəngli pudra vurun ki, üzünüz şəkildə məxmər kimi görünsün. Çox açıq rəng pudra şəkildə maska kimi görünür.
• Göz üçün tünd rəng karandaşla kontur vacibdir. Amma dəqiq çəkilmiş yox, karandaş yayğın görünməlidir. Qaş altını aydınlaşdırın, lakin parıltılı kölgədən istifadə etməyin mat kölgələr daha yaxşıdır. Göz qapaqlarına da mat kölgə daha yaxşı effekt verir. Tuş vacib elementdir. Kirpiklər həcmli olmalıdır.Yaşıl, göy rəng tuş olmaz.
• Qaşı darayın, səliqəyə salın. Qaş karandaşı ilə qaşı formaya salın- yəni qısadırsa uzadın.
• Ənlik də vacibdir. Təkcə yanaq deyil sifət formasından asılı olaraq alına, çənəyə də vurula bilər. Əgər sifətiniz oval deyilsə alının kənarlarına, çənə hissəyə çəkilməlidir. Burun enlidirsə burunun kənarlarına ənlik  çəkin. Amma korreksiya üçün çəkilən ənlik mat və qəhvəyi  tonda olmalıdır. Ümumiyyətlə foto üçün qırmızı ənlikdən istifadə etməyin.
• Dodaqda kontur vacibdir, amma gözdə olduğu kimi dəqiq bilinən yox dağınıq kontur çəkməlidir. Amma yadda saxlayın tünd rəng dodaq boyası və parıltı olmaz. Şəkildə çalışın ya göz, ya da dodağa diqqət çəkin. Yaxşı olar ki, gözə xüsusi fikir verib, dodağı açıq və mat rəng dodaq boyası ilə çəkin. 

RƏNGLƏRİ NƏ ÜÇÜN SEVİRİK?

Diqqət etmisinizmi rənglər həyatımızda nə qədər vacib rol oynayır. İnsan doğulduğu andan saç, göz, dəri rənginə görə fərqlənir. Sonralar isə geyim, makiyaj seçimində sevdiyi rənglərə üstünlük verməklə yenidən digərlərindən fərqli olduğunu ortaya qoyur. Nə üçün insan rənglərə bu qədər meylli olur? Nə üçün rənglərə olan asılılığımız dəyişə bilir?

Rənglər daxili dünyamızı  əks etdirir. Bunu zövqlə əlaqələndirsələr də əslində bu insanın daxili enerjisindən asılıdır. Yəqin ki, siz çakra haqqında eşitmisiniz. Çakra  - enerjini qəbul edən, toplayan bir mərkəzdir. Əsas 7 çakra var ki, bunlar da göy qurşağının rənglərinə uyğundur. İnsanın hansısa rəngə meyllənməsi həmin rəng çakrasındakı çatışmamazlıqdan asılıdır.

İndi  sizə verdiyimiz qısa testi etməklə sizin hansı enerjiyə ehtiyacınız olduğunu anlayacaqsınız: ətrafınıza baxın. Fikir verin  geyiminiz, otağınız, makiyajınızda hansı rəng üstünlük təşkil edir. Amma  yanlışlığa yol verməyin sevdiyiniz rəngi yox,  həyatınızda  sizi  ən çox  əhatə edən rəngi seçməlisiniz. Hansı rəng daha çox  üstünlük təşkil edirsə  həmin rəngin enerjisinə ehtiyacınız var deməkdir. Bəzən elə olur ki, heç bir rəng üstün olmur bu o deməkdir ki, sizin enerjiniz balansdadır.

Rənglərin mənası.

Qırmızı. Həyat enerjisi, güc, qüvvət rəngidir. Əgər qırmızı rəngə meyllisinizsə bu o demək ola bilər ki:

• dayaq olmaması ;
• narahatçılıq, güvənsizlik;
• qorxu duyğusu ilə yaşayan birisiniz.

Qırmızı rəng alovu, ocaq istisini xatırladır. Həyatında qırmızı rəngə üstünlük verən insanlar  özünə dayaq olacaq adam axtaran insanlardır.

 Naraıncı. Emosiya rəngidir. Əgər narıncı rəngə meyllənirsinizsə onda:

• yeni  həyacan yaşamaq istəyir;
• əyləncə axtarırsınız.

Sarı.  İctimai həyatı əks etdirən rəngdir. Sarı rəngi sevən insanlar:

• cəmiyyət arasında olmağa çalışan;
• təmkin, intizamı  inkişaf etdirməyə ehtiyacı olan;
• gələcək haqqında hədəflərini aydınlaşdırmağı sevən  birisidir.

Sarı rəngə meyllisinizsə karyeranızı  inkişaf etdirməlisiniz deməkdir.

Yaşıl və çəhrayı. Sevgini, hissləri təzahür etdirən rəngdir. Əgər son vaxtlar bu rənglərə sevginiz artıbsa onda, bilin ki:

• sadəlövhsünüz ;
• hər şeyi ürəyinizə salırsız;
• sevmək və sevilmək istəyirsiniz.

Mavi. Yaradıcılığı əks etdirən rəngdir. Əgər mavi rəngə üstünlük verirsinizsə onda nə isə yaratmaq, həm də sizi narahat edən  fikirləri daşınmaq istəyirsiniz deməkdir.

Göy. İnsanın daxili dünyasının artırmaq istədiyini əks etdirən rəngdir. Bu  rəngə üstünlük verənlər:

• intuisiyasını, daxili dünyasını  inkişaf etdirməyə çalışan;
• dünyanın  ancaq maddi deyil digər tərəflərini düşünən biridir.

Ağ  və yasəmən rəngi. Yüksək inkişafa meyli göstərir. Əgər bu rəngə meyllisinizsə daxili dünyanızı, şüurunuzu ali dərəcəyə qədər inkişaf etdirməyə çalışırsınız deməkdir.

 Qara. Dəyişiklik rəngidir. Qara rəngə üstünlük verirsinizsə demək həyatınızda qlobal dəyişikliklər etmək arzusundasınız.

Qəhvəyi. Torpaq rəngidir. Ayaqlarınız üzərində durmağa çalışırsınız deməkdir. 

ULDUZLARIN ÖVLADLARI.

Şakira və oğlu Milan.

Tom Kruz və Keti Holms qızları Suri.

Orlanda Blum və Miranda Ker oğlu Flinlə.

Ancelina Coli və Bred Pitin ailəsi.

Vera Brejneva qızı ilə.

Cesika Alba və qızları.

Albina Canabayeva və Valeriy Meladzenin oğlu Kostya.

Devid və Viktoriya Bekhamın ailəsi.

Şarliz Teron və övladlığa götürdüyü oğlu.

Sara Cesika Parker və övladları.

Alsu və qızları Safina və Mikella.

Madonna və qızı.

Nikol Kidman və qızı.

YAYIN CAZİBƏDAR AYAQQABILARI.

Yay aylarında xanımların  çoxu  tərliklərə üstünlük verir və səbəb də o olur ki, rahatdır. Lakin qadınlar hər zaman cazibədar görünməlidir. Bu ilin yay ayaqqabı dəbində əsas trendlər: əlvan rəng, gül –çiçək printləri  və  qayışlardır. Bugün sizə göstərəcəyimiz ayaqqabılar  həm bu ilin dəb trendlərinə uyğundur, həm rahatdır  həm də cazibədardır.