DÜNYANIN ƏN GÖZƏL SUALTI OTELLƏRİ.

Son zamanlar insanları 5 ulduzlu, dəbdəbədli, hovuzlu, fitnes salonlu, gözəl mənzərəli otellərlə təəcübləndirmək çətinləşib. Artıq insanlar yenilik axtarışındadır. Bunu anlayan və bu bizneslə məşğul olan insanlar dəniz sahilində yerləşən istirahət mərkəzlərində yenilik edib sualtı otellər tikməyə başlayıblar. Gün-gündən belə sualtı otellərin sayı artır.

İlk belə otel Floridada (ABŞ) 1986-cı ildə açılıb.70-ci illərdə həmin  yerdə laboratoriya olub sonralar isə turistlər üçün otelə çeviriblər. Bu otel dəniz səviyyəsindən 9 metr dərinlikdə yerləşir. Otel elə qurulub ki, bütün nömrələrdə diametri  1metr olan pəncərələrlə sualtı  dünyanı seyr etmək olur.

Sakit okeanda Fidji adasında da belə sualtı otel var. Otel okeanın 15 metr dərinliyində yerləşir. 2011-ci ildən turist qəbul etməyə başlayıblar. Oteldə 73 nömrə var. Bunlardan 48-i su üstündə, 25-i isə sualtı nömrələrdir. Burada 6 restoran(biri  okeanın dibində), konsert zalı, bar, kitabxana və başqa istirahət üçün lazım olan hər cür şərait var. Restoranın tavan hissəsi  şüşədən hazırlanıb ki, bu da orada yemək yeyənləri öz mənzərəsi ilə valeh edir.

Digər sualtı otel Hind okeanında Maldiv adasında dənizin 8 metr dərinliyində yerləşir. Əvvəl orada  Mirvari restoranı olub ki, insanlar həmin yerdə gözəl musiqi sədaları altında yemək yeyirdilər. Bir müddətdən sonra restoranın sahibləri əlavə olaraq  nömrə və qəbul zalı yaradırlar. İndi həmin oteldə çox vaxt cavanlar toy mərasimlərini keçirirlər.

Hazırda Dubayda ən böyük sualtı otel tikilir. Bu otelin digərlərindən fərqli cəhətləri: su üstündə olan hissəsində vertolyot qebul edən hissəsi olacaq, sualtı hissə istənilən vaxt su üstünə qalxa biləcək.Suyun 18 metr dərinlıiyində yerləşir, yerüstü hissəsi isə dənizdən 8 metr hündürlükdə yerləşir. 220 nömrəsi olan bu otel 10 ulduzlu olacaq. Bu otelin tikintisinə artıq 490 milyon dollar pul xərclənib və bu oteldə bir gecə qalmaq haqqı 5500 dollar olacaq.