ÜZ FORMANIZA UYĞUN SAÇ KƏSİMİ.

Gözəl saçlar qadının yaraşığı, təbiətin bizə verdiyi sərvətdir. Lakin gözəl saçlarla iş bitmir, həm də saç kəsimi böyük rol oynayır. Ona görə də saçı kəsdirərkən sifət formasına uyğunluğa diqqət edilməlidir. Demək ilk olaraq biz sifət formamızı təyin etməliyik, bundan sonra artıq hansı kəsimlər bizə uyğun olduğunu deyə bilərik. Bunun üçün saçınızı darayıb arxadan yığın və güzgünün qarşısına keçin dodaq boyası ilə güzgüdəki əksinizin şəklini çəkin. Üz formasını təyin etdikdən sonra əsas məsələyə keçək yəni hansı sifət formasına hansı kəsim uyğundur ona baxaq. Ümumiyyətlə 7 sifət forması var: oval, yumru, düzbucaqlı, kvadrat, üçbucaqlı, armud formalı,romb formalı

Əgər sizin üzünüzün uzunluğu eninin təqribən yarısı qədərdisə, çənə hissəniz alın hissəyə bərabərdisə demək sizin üzünüz oval formadadır.Oval formalı sifətlərə bütün saç kəsimləri yaxşı qalır yəni istədiyiniz formada saçınızı kəsdirə bilərsiniz. Kəkil kəsdirə bilərsiniz.

Əgər sizin üzünüzdə en və uzunluq bərabərdir, yanaqlar yumru, çox da uzun olmayan alına sahibsinizsə demək sizin üz formanız yumrudur. Belə formaya sahib xanımlar saçı elə kəsdirməlisiniz ki, üzünüz vizual olaraq oval görünsün yəni saçın yuxarısı hündür, həcmli, yan tərəfləri hamar olsun. Alnın bir hissəsini tutan çəpinə kəkil də kəsdirə bilərsiz. Saçınız üçün ən yaxşı kəsim çənədən bir az aşağı düşən, yanaqlarınızı örtən saç formalarıdır. Əsas odur ki, çox qısa və yan tərəflərdə həcmli olan kəsimlər etməyin.

Əgər sizin çənə və alın hissəniz böyük və enlidirsə demək sizin üz formanız kvadratdır. Bu zaman assimetrik və dalğalı saç kəsimi olmalıdır. Tamam qısa və düz uzun  formada saç kəsimlərindən qaçının.

 Düzbucaqlı formalı sifətlərdə üz vizual olaraq uzunsov görünür. Elə saç kəsimi etməlisiniz ki, uzunluq vizual olaraq azalsın. Belə olan təqdirdə qaşa qədər çatan kəkil kəsdirin, qulaqlar örtülməli, saç çiyinə qədər uzunluqda olmalıdır. Çox uzun və çox qısa,düz saçlar sizin üçün deyil. Uzun saçlara sahibsinizsə onları pilləli kəsdirin, dalğalı formaya salın, yanaq hissənizdə həcm verməyə çalışın.

Əgər sizin alnınız enli, çənəniz isə ensiz və balacadırsa sizin üzünüz üçbucaq formalıdır. Saçınızı elə kəsdirməlisiniz ki, çənə hissənizdə saçlar həcmli olsun. Əgər saçınız uzundursa uzunluğunu saxlamaq şərtilə qat-qat kəsdirin, yox əgər qısa saç istəyirsinizsə qısa bob sizin sifət formanıza çox uyğundur. Uzun,çəpinə kəkil kəsdirə bilərsiniz.

Əgər sizin alın və çənə bölməniz ensiz, lakin yanaq hissəniz böyükdürsə sizin üzünüz romb formalıdır. Elə kəsim etməlisiniz ki, saçlar yanaga tökülsün. Saçın yuxarısı hündür olmamalıdır, kəkil məsləhət görülür.

Sizin alnınız balaca, çənəniz enlidirsə üz formanız armudvari formadır. Bu formalı xanımlar qısa və orta uzunluqda saç kəsiminə üstünlük verməlidir. Kəkili çəpinə və ya düz kəsə bilərsiniz. Uzun bir yana daranmış kəkil də saxlaya bilərsiniz. Çənəni örtən kəsimlərə üstünlük verin.